बसुन्धरा स्थित चिरायु नेशनल हस्पिटल एंड मेडिकल इंस्टीट्यूटले मङ्गलबार अत्याधुनिक सेवा सुविधा सहितको अपथाल्लमोलोजी विभाग विस्तार गरेको छ |अस्पातलले पहिले देखि नै आखाँको परामर्श प्रदान गरिरहेको भए पनि मङ्गलबार देखि भने उच्च प्रविधि सहितको अपथाल्लमोलोजी विभाग उदघाटन गरेको हो |

वरिष्ठ आँखा विषेशज्ञ डा. संयम बजीमायाको नेतृत्वमा सञ्चालन हुने भनिएको अपथाल्लमोलोजी सेवा मङ्गलबार डा. संयम सँगै अस्पतालको मेडिकल डाइरेक्टर प्रा. डा.उत्तम कुमार शर्मा लगायतले रिबन काटेर उदघाटन गर्नु भएको हो |

यो सँगसँगै अब सेवाग्राहीले बिना कुनै झन्झट ,आँखा सम्बन्धी परामर्श लिनुका साथै रेटिनोप्याथि सेवा लाभ पनि लिन सक्ने छन् | अस्पतालले प्रविधिको भरपुर प्रयोग गर्दै विभागमा टेलि कन्सल्टिङ प्रविधि समेत सुचारु गर्ने जानकरी यसै अस्पतालका बिजनेस डेभलपमेन्ट अफिसर बसन्त खनालले जानकारी दिए |

सय बेड क्षमता रहेको चिरायु नेशनल हस्पिटल एण्ड मेडिकल इन्स्टिच्युटले गएको एक दशक देखी उत्कृष्ट र भरपर्दो सबै खाले उपचार सेवा प्रदान गर्दै आएको छ ।